經過農曆新年的一輪拜年活動，大家都一定收到很多年糕作為禮。如蘿蔔糕、馬蹄糕、芋頭糕、黃金糕⋯⋯年糕招呼親戚朋友的最佳食品，老幼咸宜。不過煎年糕易學難精，容易煎到「黐底」。究竟如何煎出一碟完美年糕呢？只要記住以下幾個小秘訣，要招呼親友又可顯身手了。
煎年糕技巧
1. 厚切
煎年糕前，最好預先放入雪櫃雪過夜。切糕時千祈不要切得太薄，因為太薄會好易「黐底」或焦，想將糕件翻轉又會好易爛，厚度為半寸就最佳。
2. 不應貪快一刀切
切年糕時不應貪快一刀切，應要用拉鋸方法切開，蘿蔔糕裡面較硬的餡料難一次性切開，如果一刀切落去，件糕就會好易爛。
3. 熱鑊熱油
大多數人誤以為多油煎，年糕就一定不會焦，其實大錯特錯。想煎年糕煎得好，鑊一定要燒紅，再落少少油。等油均勻流遍鑊面之後，先將糕放落鑊。
如果用易潔鑊，就不需要太多油了。由於蘿蔔糕本身有油分，就算不落油都可煎出焦脆的效果。煎蘿蔔糕後鑊面依然潔淨，方便清洗。
4. 用中火煎蘿蔔糕
煎蘿蔔糕要用中細火，先煎四至五分鐘，之後翻轉再煎多三分鐘左右，煎到兩邊都變成金黃色就差不多了。
5. 應只翻轉煎一次
煎年糕一定要有耐性，不需要經常翻轉煎，煎完一邊約三分鐘，再煎另一邊。如果經常翻轉年糕，會好易黏在一起。煎蘿蔔糕經常翻轉煎，就好易散開。
記住以上小秘訣，要煎一碟好食又見得人的年糕就沒有難度！
