告別blue Monday!! 3招教你踢走Blue Monday
如果你問我：世界上最遙遠嘅距離係由邊度到邊度？小編會答你：一定係由星期一至星期五！
週末過後心情總會變得沉重，點解呀？ 係因為仲有5日先再放假呀～
以下有3個方法等大家一齊踢走Blue Monday!
1.鬧鐘一響起就起身
天氣涼涼地，總係想繼續賴床，諗住可以瞓得幾多得幾多～ 但遲到會影響一整日嘅行程。小編提議鬧鐘一響就應該即刻落床，離開溫暖嘅被窩，千祈唔好比自己有藉口懶惰！每日預早時間起身，可以擁有更多自由時間去安排行程。
2.豐富嘅早餐
一日之計在於晨，全日嘅心情就係由一份好味嘅早餐開始，較早15分鐘鬧鐘起身整早餐，或者喺屋企或公司附近餐廳買一份豐富嘅早餐～攝取足夠嘅能量，有助提升一日嘅工作生產力。
例如三明治，簡單又易整，係健康早餐嘅不二之選。
3. 聽喜愛的音樂
科學家Virginia Hughes於2011年發表嘅研究指出，當我哋聽喜愛嘅音樂時，大腦會分泌一種名為多巴胺嘅物質，呢種物質主要負責大腦輸送情慾和感覺嘅工作，並會將興奮和開心的信息傳遞出去，從而令身體嘅精神狀況更為提升。
踢走 Blue Monday ？話都無咁易啦！
